Карта сайта Написать письмо Бас
 Оқу конгресі жайлы  
 Ақпарат 
 Конгрестегі іс-шаралар 
 Фотоальбом 
Kaz Rus Eng
 

Қатысу үшін өтініш



IFLA
Google

 

Запомнить меня на этом компьютере
  Забыли свой пароль?
  Регистрация


 
 

Бас | Конгрестегі іс-шаралар | Жаңалық

Суретші Қарлығаш Лесқызы Қансейіттің «Бояулар үндестігі» көрмесі

Версия для печати

20.03.2009  20 наурызда ҚР Ұлттық академиялық кітапханасында суретші Қарлығаш Қансейіттің Ұлыстың Ұлы Күні – Наурыз мейрамына арналған жеке көрмесі ашылды.

Қарлығаш Лесқызы Қансейіт – Қазақстан Республикасы Суретшілер Одағының мүшесі. 1987 жылы А. Қастеев атындағы Шымкент көркемсурет училищесін, 1993 жылы Х. А. Яссауи атындағы Халықаралық Қазақ-Түрік университетін бітірген. Сол кезден оның шығармашылық жолы басталды. Шығармашылығымен қатар, 1993 жылдан педагогикалық қызметпен айналысады - А. Қастеев атындағы Шымкент көркемсурет училищесінде дәріс оқиды. 1995 жылдан ҚР Суретшілер Одағының мүшесі. 2003 жылдан ҚР Суретшілер Одағы жастар бірлестігін басқарды.

Қ. Л. Қансейіт халықаралық, республикалық және облыстық деңгейдегі көптеген көрмелерге қатысқан. 1999 жылдан Алматы, Ақтау және Шымкент қалаларында жеке көрмесі өткізіліп келеді. Суретшінің еңбектері Қазақстан мұражайларында, АҚШ, Ресей, Германия, Сингапур, Канада және басқа да елдердегі жеке коллекцияларда сақтаулы тұр.

Қарлығаш Лесқызының коллекцияларындағы отыздан аса жұмыс түнгі құс – Жапалақтың қыр-сырына арналған. «Ежелгі орманды мекендеушілер қандай да бір жұмбақ құбылысқа ие. Жапалақ ғасырлар бойғы құпияны жасырып жүруі де ғажап емес, ертегілерде оны кемеңгер деп текке атамаса керек. Менің жапалақтарым – жай ғана адами қарым-қатынас іспетті. Алайда адамдар арасындағы байланыс әр түрлі, сол сияқты менің жапалақтарым да әр алуан: жылдам және сабырлы, абстрактілі және шынайы, тұйық және ашық, яғни, адамдар да сондай қызық, сезімтал», - дейді Қарлығаш Қансейіт. Мәселен; сары түсті найзағайдай жарқылдаған қалың көкорайда көз алмай қарап тұрған мистикалық кейіптегі жапалақ «Сарғылт түн», қанатында ана-жапалақ және әуесқой жарқанат бейнеленген, тұмсығы түсіңкі, «кавказдық жиын» - ата құс. «Жарқанаттар» сериясына қарай отырып, оқырмандар түнгі құстың алып та ақылды көз жанарынан тағы да көп сыр ақтара алады. Бұл көзқарас бір адам жанының тұңғиық тереңіне үңілуге мәжбүр етеді...!

Қарлығаш Қансейіт – шындығында да жан-жақты шебер. Оның коллекцияларындағы кескінөнері көп жанрда. Олар - табиғат, портрет, тұрмыстық тақырыпты бейнелеген картиналар. Кез келген шығармашылық тұлғаның туған өлке табиғаты тәрізді тақырыпты толғамауы мүмкін емес. Ал Оңтүстік Қазақстан табиғатын таусыз қалай суреттейміз. Өйткені тау – ең әдемі де айбынды көрініс. «Таудан да зор тау болады», - деген еді кезінде ақынымыз. Қарлығаш Қансейіттің пейзаждары поэтикалы әрі басқамен теңдессіз. Шебердің өзіндік қолтаңбасы, өзіндік стилі, өзіндік дүниетанымы барлығы-барлығы картина бетінде бедерленген әрі адам баласы сезім мен қарым-қатынас табиғаты туралы терең ойға қалады. Көгілдір және жасыл жауһар түстің әдемі үйлесімі – көркемөнердегі тың жаңалық емес, бірақ мұны әр суретші өздігінше жеткізеді. Қарлығаш Лесқызының пейзажындағы көріністер: тау, жартас, аспан, ағаштар. Мұның бәрінің де бояуы барынша қанық. Бәлкім, бояу тақтайшасының тапшылығы деуге болар, бірақ бұл  картина толығымен аяқталмаған тәрізді. Суретшінің ұйғарымы осылай. Автор дәл осындай сырлармен ғана таудың алып бейнесін, ұлылығын және асқан әдемілігін көрсеткісі келетін болуы керек. Картинадағы көгілдір және көк түс нұрлы сәуле шашып тұрғандай әрі мұнан мәңгілік мұздықтың салқыны сезіледі. Картинадағы мұзарт ап-айқын дәл. Суреткер жұмыстарында бәрі де ықшамды, артық ештеңе жоқ, білгілі өлшемдермен аяқталған. Жақын қарағанда, табиғаттың тосын дыбысын, қардың қаршылын  естігендей күй кешесіз.

Қарлығашқа тән қасиет, онда тоқмейілсушілік болған емес: бұл тақырыптың, стильдің, техниканың және түстің таңдауы. Ол әрдайым тәжірибеден  өткізеді, жұмыстарында суретші рухына қатыстылардың бәрі біріктірілген. Бұл мынадай шығармашылық жұмыс сериясысында кең көрініс тапқан: «Қалыңдық», «Жарқанат», «Жоңғар таулары», «Өмір гүл». Қарлығаш философиясы – мәңгілік.

Көрмеге барлығы 35 жұмыс қойылған. Олардың қатарында «Түркістандағы қақпа», «Ақ бұлт», «Өмір өзен», «Өмір гүл», «ХХ ғасырдағы үш кезең», «Дүниеге келу», «Ғажайып бақ» т.б. бар.

«Бояулар үндестігі» көрмесі 1 мамырға дейін жұмыс істейді.

Возврат к списку новостей




 
 



Конгрестегі іс-шаралар

01.09.2010  Тұрақты даму жолы
20.07.2010  Кітап – халықтар мен олардың мәдениетін жақындататын жалғыз жол
30.10.2009  «Электрондық ресурстар білім мен ғылымға көмекке келуде»
24.04.2009  Бес жыл – бұл басы ғана!
23.04.2009  Әлемдік цифрлы кітапхана ашылды
20.03.2009  21 наурыз – дүниежүзілік поэзия күні
20.03.2009  Суретші Қарлығаш Лесқызы Қансейіттің «Бояулар үндестігі» көрмесі
20.03.2009  Интернет шығарушысы: бізді тағы да көптеген жаңарулар күтіп тұр
18.03.2009  Тарихи туындылардың тұсаукесері
16.03.2009  «Бір ел – бір кітап» акциясы Мағжанның мәңгілік мұралары!
04.03.2009  Көгілдір көктем мерекесі құтты болсын!
27.02.2009  Иероглифтер: сауыт жазбаларынан компьютерге дейін
  http://style.kz/ Национальная Академическая Библиотека Республики Казахстан, 2007