Карта сайта Написать письмо Бас
 Оқу конгресі жайлы  
 Ақпарат 
 Конгрестегі іс-шаралар 
 Фотоальбом 
Kaz Rus Eng
 

Қатысу үшін өтініш



IFLA
Google

 

Запомнить меня на этом компьютере
  Забыли свой пароль?
  Регистрация


 
 

Бас | Конгрестегі іс-шаралар | Жаңалық

«Бір ел – бір кітап» акциясы Мағжанның мәңгілік мұралары!

Версия для печати

16.03.2009 

13 наурызда ҚР Ұлттық академиялық кітапханасында «Бір ел – бір кітап» акциясы кітабын мәлімдеуге арналған баспасөз конференциясы өтті. Оған қатысқандар: Қырықбаев А. О. – ҚР Мәдениет және ақпарат министрлігі Мәдениет комитетінің төрағасы; Акцияны ұйымдастыру комитетінің мүшелері: Есім Ғ. Е. – Қазақстан Республикасы Парламенті Сенатының депутаты, академик, философия ғылымдарының докторы; Смайыл А. З. – Қазақстан Республикасы Парламенті Мәжілісінің депутаты, жазушы; Бердіғалиева Р. А. – ҚР ҰАК бас директоры, ҚР Кітапханашылар Ассоциациясының Президенті; Тарази Ә. Ұ. – Халық жазушысы, Астанадағы Жазушылар Одағының бірінші хатшысы; Қайрат Жұмағалиев – белгілі ақын.

Республикалық «Бір ел – бір кітап» акциясын ҚР Ұлттық академиялық кітапханасы мен ҚР Кітапханашылар Ассоциациясының ұсынысы бойынша ҚР Мәдениет және ақпарат министрлігі өткізеді. Акцияның мақсаты – ұлттық әдебиетіміздегі ең үздік деген туындыны оқу және насихаттау, оқу ісін ілгерілету, рухани мұрамызды сақтау, сондай-ақ жастарды отаншылдыққа әрі өнегелілікке тәрбиелеу.

Акцияны ұйымдастыру комитетінің төрайымы – ҚР Мемлекеттік сыйлығының лауреаты, Қазақстанның Халық жазушысы, ақын Фариза Оңғарсынова. Осы ұйымдастыру комитетінің құрамында – белгілі ақын-жазушылар, академиктер - Әкім Тарази, Алдан Смайыл, Ғарифолла Есім, Қайрат Жұмағалиевтер бар.  Акцияны ұйымдастыру комитетінің шешімімен 2007 жылы жаппай оқитын кітап ретінде Абайдың «Қара сөздері» таңдалса, 2008 жылғы қалауымыз М. Әуезовтің «Қилы заманына» түсті. Ал биыл Поэзияға әлемінің таңғажайып тұғырына кеп тоқтағанды жөн көрдік. Осылайша, оқырмандарымыз қазақтың жыр жұлдызы Мағжан Жұмабаевтың «Жан сөзі» кітабымен жете танысып, оның нәзік өлең өрнегінен қуат алып, осынау әсем ұғым өлшемдерімен өмір сүрмек. Бұл туралы баспасөз конференциясында ҚР Мәдениет және ақпарат министрлігі Мәдениет комитетінің төрағасы  А. Қырықбаев мәлімдеді.

Оның айтуынша, акция арқылы Мағжан Жұмабаевты жаңа қырынан танитын боламыз.  ҚР Мәдениет және ақпарат министрлігі Акцияға көмек көрсететін болады. «Акцияның маңыздылығы зор, оған еш талас жоқ. Сонымен, біз қоғамды оқуға тартумен қатар, олардың отандық әдебиетке, атап айтсақ, классикаға, қазіргі әдебиет пен поэзияға деген сүйіспеншілігін оятуды мақсат етіп отырмыз. Кітап пен оқуды насихаттаудың озық үлгісі ретінде «Бір ел – бір кітап» акциясының өміршеңдігі мен қажеттілігіне көз жеткіздік», - деген пайым жасады Арман Оразбайұлы.

Баспасөз конференциясына қатысушылар қазақ әдебиетін насихаттаудағы Акцияның маңызы мен ұлтымыздың көрнекті ақыны М. Жұмабаевтың қазақстандық поэзиядағы ролі, сондай-ақ ақынның азаматтық-философиялық лирикасы мен поэзиясындағы әйелдер тақырыбы туралы талқылады.

Акцияны өткізетін негізгі орталық - кітапханалар. Шараны жан-жақты насихаттау, серіктестікті дамыту, әдістемелік қамту, автордың кітабын шығару, оқу ісін жетілдіретін және оған ынталандыратын орта құру мәселелерін қарастыратын Акция бағдарламаларымен журналистерді ҚР ҰАК бас директоры, ҚР Кітапханашылар Ассоциациясының Президенті Роза Бердіғалиева таныстырды.

Өткен жылдардағыдай оқырмандармен жұмыс жасаудың әр алуан формасын пайдалана отырып, еліміз бойынша 500 аса іс-шара өткізіледі. Бұлар – поэзия күні, оқу марафондары, фестивальдер, флэш-моб, конкурстар. Акцияға білім беру мекемелері, ведомствалар мен әскери бөлімшелер де қатыстырылады. Сондай-ақ ақынның туған жері – Солтүстік Қазақстан облысында да көптеген кездесулер өткізілмек. ҚР Ұлттық академиялық кітапханасында сәуір айында танымал тұлғаларды қатыстыру арқылы «дөңгелек үстел» ұйымдастырылады, әдеби кештер, жас ақындар клубының отырысы өтеді, мүмкіндігі шектеулі азаматтарға арналған залда дәстүрлі түрде өтетін дауыстап оқу шаралары және «Мирас» мектебінің оқырмандар клубының мәжілісі де жоспарлануда.

2007 жылдан бастап «Бір ел – бір кітап» акциясы оқу ісін ілгерілетудің тиімді тәсілі болып қалды. Бұған дейінгі іс-тәжірибелерін жинақтап, ҚР Ұлттық академиялық кітапханасының мамандары «Бір ел – бір кітап» акциясын ұйымдастыру бойынша әдістемелік ұсыныстар әзірледі. Кітапша мәдени-көпшілік жұмыстармен айналысатын кітапханашыларға, соның ішінде мектеп кітапханашыларына да сенімді көмекші. Мұнда «Бір ел – бір кітап» акциясы туралы ереже, «Оқу – отбасылық іс» бағдарламасы және оқырмандар арасындағы көпшілікпен жұмыс жасаудың сан алуан түрі ұсынылған. Қазіргі акцияға М. Жұмабаевтың өмірі мен шығармашылығы жайлы көлемді мәлімет, библиография және ақын шығармашылығына арнап әзірленген «Жырымен  жұртын оятқан» портреттік кеш сценарийі ұсынылып отыр.

Көмекші құралды кітапханашылар, оқытушылар және мәдени-ағарту істерімен шұғылданатын кез келген маман қолдана алады.

«Олжас» баспасы акцияға арнап Мағжан Жұмабаевтың өлеңдер жинағын шығаруға дайындауда, «Сен сұлу» атты жинаққа негізінен махаббат жырлары енгізіледі. Бұл - әрине, игі бастама! Акция аясы одан әрі кеңейе түспек, кітаппен қолдау жағы да қамтылады, аталған жинақ көпшілік кітапханаларға таратылып, оқырмандарымыздың жеке коллекциясы қатарын да толықтырады.

Баспасөз конференциясының жұмысына 11 БАҚ-нан өкілдер қатысты: «Хабар», «Астана ТВ» телеарналары, Қазақ радиосы, «Қазақпарат» ақпарат агенттігі, сондай-ақ «Егемен Қазақстан», «Казахстанская правда», «Республика kz», «Экспресс К», «Астана ақшамы», «Айқын», «Литер» газеттері.

Возврат к списку новостей




 
 



Конгрестегі іс-шаралар

01.09.2010  Тұрақты даму жолы
20.07.2010  Кітап – халықтар мен олардың мәдениетін жақындататын жалғыз жол
30.10.2009  «Электрондық ресурстар білім мен ғылымға көмекке келуде»
24.04.2009  Бес жыл – бұл басы ғана!
23.04.2009  Әлемдік цифрлы кітапхана ашылды
20.03.2009  21 наурыз – дүниежүзілік поэзия күні
20.03.2009  Суретші Қарлығаш Лесқызы Қансейіттің «Бояулар үндестігі» көрмесі
20.03.2009  Интернет шығарушысы: бізді тағы да көптеген жаңарулар күтіп тұр
18.03.2009  Тарихи туындылардың тұсаукесері
16.03.2009  «Бір ел – бір кітап» акциясы Мағжанның мәңгілік мұралары!
04.03.2009  Көгілдір көктем мерекесі құтты болсын!
27.02.2009  Иероглифтер: сауыт жазбаларынан компьютерге дейін
  http://style.kz/ Национальная Академическая Библиотека Республики Казахстан, 2007